(5月21日) 前兩天做了饅頭，以前用過的配方，但稍稍增加了糖量，也改為用M牌蒸爐去蒸了。
(5月21日) 挑了布，但還未買。有點沒心機。
(5月21日) 一家人去Wahaca吃午餐，今次試了很多款，都ok喎，每款都覺得不錯。媽好像也喜歡，爸嘛，我不太清楚，er... 他要求有點高，外出吃他好像都不太滿意就是了。(聳聳肩、攤攤手...)
(5月22日) 跟媽到Runnersneed買了一雙Brooks跑鞋，希望她覺得舒服啦~
(5月22日) 沒心機溫習的人，居然走了去整雪糕!!! 最慘的是，萬事俱備後，才發現找不到雪糕機的攪拌葉! 最後要手動攪了10分鐘! 已放入冰格，明天才吃，我還買了一盒藍莓打算伴著吃，希望口感ok啦!
(5月22日) 晚餐後去投票了。真的好荒謬。我呢，其實還不是這個國家的公民，但就可以去投票選倫敦市市長，甚至是可以投票選歐盟議會代表。但在香港呢，投票權好像還不能在可見的將來看到。
(5月22日) 又，其實我是為了credit rating才去投票了。
(5月27日) 考了一科。好灰。唔識就預左，但最灰的係，做第二題時超過左時間，多用了10分鐘，攪到第三題只有30分鐘做 -- 而第三題的內容我本來應該係熟d的... 唉。考了幾十年試，今時今日仲衰 time maangement，真係冇話可說。嗯。考試前已計過，份卷攞到24分就可以合格。我粗略計過，應該有27-29分的，如果答左的野冇大錯的話...
(5月27日) 萬念俱灰。經過Tesco看到Euro Millions 今晚56mil，即時買了三注 -- 如果中左剩返兩科就唔駛考! -- 不過，今日黑到爆應該冇運行 -- 事實上，睇完張票上面的冧把，嘩，簡直係... 你有冇聽過「億念俱灰」呢??? 我買三注的號碼，居然係8成相近的。雖然我知道一切都是random，買連續6個字，同買分散的6個字，理論上中奬機會均等，但，都好灰囉。不過，買左就算，當係做善事囉!
(5月27日) 又，Tesco買草莓(£2)送cream(£0.6)呀! 而且係本地Kent出產的，好甜! 我跟媽已極速幹掉大半盒!
(5月27日) 好野，bid到一幅窗簾布!!! 這個樣子的。之前已經見過，但RRP大約20磅/米，最便宜也要12磅。今次我bid到一幅4米的，連郵費20磅!!!
沒有留言:
張貼留言